Friday, May 30, 2008

Dard-E-Ishq

ishq ki har dagar itni mushqil kyun hai?
woh jo dard leta tha kabhi, ab deta kyun hai?
jiske aane ka kabhi intezaar hua karta tha
ab uske jaane ka intezaar kyun hai?

woh jo kabhi pyara lagta tha
aaj dil mein chubhta kyun hai?
sang bitaya woh haseen waqt
aaj humare liye unchaahi yaadein kyun hain?

woh pehli mulaqat joh kabhi haseen manzar hua karta tha
ab ek daraavna khwaab kyun hai?
woh unka pyar se choona jo kabhi meetha ehsaas tha
aaj tezaab sa jalaata kyun hai?

woh sang sanjoye sapne
raat mein jagaate kyun hain?
mohabbat mein khaayi kasmein
aaj lagte zeher kyun hain?

mere aks mein unka wajood jo pehle mehsoos hota tha
woh ab khone laga kyun hai?
dil mein unki chaahat ka saagar
dheere dheere sukhne laga kyun hai?

aankhon mein jo unki tasveer joh barson se bani thi
ab dhundhli hone lagi kyun hai?
hothon ki laali bana hua tha kabhi jo ek naam
mita hua sa lagta kyun hai?

4 comments:

CRD said...

hey. u really liked it tht much? :)

keep writing re. dont leave ur hobby

CRD said...
This comment has been removed by the author.
CRD said...

and hey, plz dont name it episode 3. episode name was ok when u had 2-3 short poems posted together. this is one single full fledged poem. give it a title na.

Love Me NOT said...

hey. i love ur poem :)